طلب الينا زميلنا العزيز الأستاذ محمد بوشيبة موال "شو عاد بدي فيك يا قلبي" فبرّد بطلبه الأكباد .
تفضّل أستاذي الكريم ، وتضيق ذراعي أن تردّ لك أمرا ، تسجيل المسرحية :
مـوّال
شو عاد بدّي فيك يا قلبي
شعر : مارون كرم ، لحن : وديع الصافي
من حكاية لبنان
1960
شو عاد بدّي فيك يا قلبي
صِرتْ حِمل تْقيل عا جنبي
كِنتْ عوزك كان عندي حب
واليوم شو بعوزك بلا حبي
ما كِنتْ تعقَل يا قلِب ما أطمعك
حاج ترقُص هالرّقص ما بينفعك
تجوّزت حتى خلّص من مشاكلك
تاريك يا قلبي مثل بعضها معك
يا ريت بقدر جمّع ورود الدني ورشُّن على دربـها
واشتري أفراح أيام السنة وحطُّن بقلبها
يا ريت بقدر علّم الطير الحكي
ودّي لها رسالة معُه
يوقف بشباكها يقول لها شو بكِ
بتجنّ لمـّن تسمعُه
كنا سوا عالنهر منقطّف كبوش (1)
ونباطح العلّيق تنغمّ العشوش (2)
سنّي بحدّ الأربعتش وسنّها
وتنينا بعِشرة بساطة خوش بوش (3)
سنّي بحدّ الأربعتش وسنّها
وما يبان سنّي للغريب وسنّها
ما في شريعة لعب الا بسنّها
شي عالرمل بالدّوش شي بصفّ الكعاب (4)
شي بعرفه باللعب شي ما بتعرفوش
_______
1) كبوش : جمع كِبش وهو ثمر شجرة التوت أو غيره .
2) غمّ العش : سدّ باب العشّ وأمسك بالطائر وبصغاره .
3) خوش بوش : تعبير فارسي الأصل بمعنى أصحاب لا كلفة بينهم ولا رسميات .
4) دَوش : آرامية تعني حجر أملس مدوّر ؛ والقصد لعبة أطفال يقوم اللاعب فيها برمي الحجر بعيداً ثم يأتي الثاني فيرمي بحجره باتجاه حجر الأول ليصيبه فيربح إن أفلح . صفّ الكعاب : لعبة أطفال هي الأخرى .
هناك تسجيلان آخران مختلفان على اسطوانتين مختلفتين لموّال لازمته لازمة فصار شيئاً ما بين الأغنية وبين الموال ، ثمّ راح الثنائي الصافي وكرم فانتزعا البيتين من "يا ريت بقدر جمّع ورود الدني" فصنعا منهما أغنية مستقلّة أسمياها "زهور الدني" ، وسيرد ذكرها لاحقاً .
تفضّلوا جميعاً
أخوكم
الفارابي