و كأول مشاركة لي في منتداكم الرائع
دخلت الى بحر من واجهة التراث الشعبي الجزائري ، ومن صاحب القصة عمر بلمقراني
مهما شكرتك و مهما راقت لي ما كتبت لا أستطيع أن أسوق كلامي وافر في امتاعك
جزاكم الله كل خير
هديتي لك من قصيدة ريت المشياخة
ريت المشياخة الحرة تتمرمد ** عافوها لرذال باعوها برخى
واش تعبر يالي باغي تنشد ** شان العز تلاح لأهل المشياخة
دفنوها حية مكارة و محاسد ** بهدلوا بيها شياطين أفروخى
التبر الوضاح نور يتوقد **و تمتع اليوم لصحاب النفخة
الجياح أبلا سلاح و تتهدد **يهجموا علينا بسكين الكلخة
راه القلب مريض منهم مغدد ** الهم الي جار بصحاب السخى
ولاو يغلبوا الذيب على الأسد ** وقلوب السدات راهي مطبوخة
المشوي لذيب و الصيد يكدد ** يارب العباد تعطيهم مسخة
المنافقين في الدين أتفســد ** الشريعة اليوم راهي مفسوخة
و الديك على الطير ولا يتمغدد ** الهدهد ولآ يخاف من الفخة
يستهزاو بالدين تراك المسجد ** على ذكر الله ماتسعى سبخة
تارك الصلاة يلاغولوا سيد ** بالخمرة و الشراب كرشه منفوخة
اللباس نظيف و الجسد مدود ** أبليس على دواخلوا ضارب جلخة
مايعبدوا ما هداو الي يعبد ** من صوت الأذان تقبضهم دوخة
ريت صحاب الجبر في علبة تسهد ** كلي ماشفوش همة و زياخة
راه الأمي على المشياخة متقلد ** صاب المشياخة الحرة ممسوخة
شفت الحرة لهيه في الزنقة ترقد ** و الخادم في السرير وحرير الكمخة
و الزنديق أدى شوايع ما تتعد ** بالسرقة و الفساد و شراب البوخة
و اتصيبوا مشعول في وجهوا يبرد ** و على قلبوا تصيب كذا من جلخة
و العزبة مالريح تحمل و تزيد **
تولدلوا فر خة يسموهافوخة
شفت الخوخ الزين طايب خد بخد ** يعلفوه الحمير غير يتكليخة
ولد الزينة راه بالجهل يعاند ** قراتوا يماه مريولة شيخة
مكحل عينيه دايم بالمرود ** ذاك يهاتوا بيه قوم الملاخة
و الغاشي المبدوع ما فيه أفوايد ** تعيا تنجر فالحطب تدي شلخة
زرع الزوابي كي يبان مبند ** غير طل الشمس راسوا يترخة
يصفار و يذبال قبل ألا تحصد ** و الغلة ماجيش في أرض السبخة
و العالم ولا يخاف إذا يرشد ** لطريق الصلاح بكتاب النسخة
يامعتاه نهارهم غبار أسود ** يصفاو أهل الدين ماتبقى وسخة
ياتي مولاها بسيف متقلد ** لصحاب الشقا يموتوا في صرخة
بلمقراني ما يخاف و لا يلبد ** من وجوه الهنة أصحاب المخلة
إنتهت