"صالح باي"
هي قصيدة جد معروفة ..من التراث المالوفي نضمت رثائا لصالح باي بعد حادثة مقتله التي تركت عميق الأثر في مدينة قسنطينة ..حيث لازالت نساء قسنطينة يرتدين الملاية السوداء حدادا عليه (الصورة) بعد أزيد من قرنين من الزمان على وفاته !
كي حصروا لمدينة وتغلقوا البيبان وهرب صالح على مجرح ودماغو عريان كي حكمو الشاوش دارلو زوج حديدان قالو توضى يا صالح واخرج للميدان لو عرفتو هكذا يجرى لي ما نسكن البلدان نبني خيمة على ولادي ونعاشر العربان خلوني نشوف أولادي منيش هربان مخنوق بمحرمة شعالة ودموعو ويدان يا حمودة يا وليدي أتهل في الدار ما تلوموشي عليا يا كبادي عادة باب نار كي دخلو لدارو فياو بيت المال
ذهب وجوهر خدام مع الوصفان
قالوا صالح راح **** وريولي قبرو يا سيـــــــــادي **** ونشوفو نرتاح ويهبوا لريــــاح **** وانقبل الخد ليمن آش من باي **** يعوض صالح
في قسنطينة حزنوا عليه يا ولادو يا عرب المدينة
الصورة الثانية تمثل لوحة قديمة تحمل شعرا نظمه معاصروا صالح باي شكرا له بعد بنائه أحد المساجد
الله يرحمك يا مختار يا حيدر
مثل هذه التسجيلات "حين تظهر العشية" أو "حرمت بك نعاسي" كما تلقب تعبر بكل صدق عن الزمن الجميل للموسيقى العربية الذي ولى ..ضربات متسارعة ورشيقة على البيانو لا يمكن أن لا يسبح بنا خيالنا الى بعيد بسماع هاته الموسيقى..
الشيخ الكرد على الهارمنيوم ..بأنامله الرائعة..في أبيات شهيرة تغنى بها الكثيرون..نحن في أربعينات القرن الماضي..نرى في الصورة النادرة و المأخوذة من مجموعة خاصة الشيخ الكرد واقفا..خصيصا لسماعي
---------
يا حبي أنا نحبك و أنا زلال عيوني بيك
أنتي خويتم الذهب و أنا فصيص فيك
إنت ياسمينة وأنا قرنفلة محضنة فيك
وإذا بدلتني بالغير ربي في السماء يحكم عليك
......
يا قلبي خلي الحال يمشي على حاله
وأترك جميع الأقوال و أصغى لم قالوا
أمهل ولا تعجل والصبرين ينالو
يأتي الفرج في الآن للعبد من مولاه
الحزن والسلوان كلهم بإذن الله
الأمور مقضية أمر الإله محتوم
وأصبر على مابي والحزن يزيانه
هذي هي الدنيا ترفع و ترجع
يأتي الفرج في الآن للعبد من مولاه
الحزن والسلوان كلهم بإذن الله
أصبر على الأمحان حتى يفرج الله
....
حبيك فتح بالأنوار
زادو في القلب رهافة
وردات في كاس بلار شمهم بضرافة
عن ولفي كحلة الأنظار لا نعشق حد خلافه
........
ياربي ياربي عينين الحبارى
قولو لي كيف نعمل مع المسرارة
نطلب ربي يهديك ومحبتي فيك
راني خايف عليك تموتي خسارة
بابا نقطع نشقى عليك شوف
ما صلح بيك نصيرو سكارى
لقيتها في الصبحية العزيزة عليا
كلمتني بخفية فهمت الإشارة
تبعلي رجليا و يجي معايا...
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
الصورة أكثر من نادرة و مأخوذة من مجموعة شخصية ونرى فيها الشيخ الكرد واقفا الثآلث بيسارالصورة بيده الكمان
-------
رحلت عليا وغابت وسكنت الفجوج الخالية
كبتي على الجمر دافن عيني ترى تجيي
ياترى تتفكرين شتا دعيت بغيبتك يا الوخية
............
اليوم رحلو حباب قلبي ما بقيت غير أنا يا مولات الخانة
قلبي على الجمر متليع والفراق جاني صعيب
وحالي كيما تخال الحال بايت حيران يا مولات الخانة
لاعندو لاباش يسلك لا صاحب لا صديق
لوكان الموت يا صحابي ندخل الجبانة
ما يضهرلي غير وحشك فراقك جاني صعيب
ما عملت عيب يا صحابي ما درت خشانة يا مولات الخانة
داويني بدواك نبرى جرحك جاني صعيب
لاحد من يديرلي مزية يوصل لأشواك قلبي
حدثتها طلعت للثريا راهو خيك عليك مسبي
ما يقضي في الصلاح هي منها مملوك من عند ربي
نبكي ودمعتي سخية من حد لالآ نخبي
نبكي والبكاء عندي عن الحزن هانة يا مولات الخانة
داويني بدواك نبرى جرحك جاني صعيب
و إذا تقول صاري قلوعو كتانة يا مولات الخانة
يرمي بالكور والمدافع ترابه لجهتة الغريب
غنجاء دخلت عند السلطان دايخة وزدرانة يا مولات الخانة
متربية في الحرير والروايح روايع كل طيب
والريق أحلى من العسل و السكر...
والسنين مفلجين بحال جوهر معقد فوق الحرير
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رد: الشيخ محمد الكرد... أمير الرشاقة
العرض العادي
