إعلانات زمان - الصفحة 3

**magoda** · #1 03/05/2009, 17h13

السلام عليكم جميعا

جميل قوى ياجماعه بس ياريت نقدر نحصل على الفيديوهات

للأعلانات الاتيه والتى هى بمثابة تحف

1- ست سنيه سايبه الميه نازله ترخ من الحنفيه
2-أعلان شهادات الأستثمار كان عباره عن 3 بنات راكبين قطر وبيقول مجموعه ا ذات القيمه المتزايده بعد عشر سنوات وهكذا
3-أعلان عن اللبن المبستر وتحذير من شراء اللبن السايب كان بيقول...سندريلا .سندريلا طبعا عارفنها طبعا.سندريلا سندريلا تسمعوا حكايتها .نسمع ....وفى النهايه قسط وسخ وعليه دبان ومصدى من جوه كمان ...غلطانه كان لازم تغليه طبعا مع لحن مالوش وصف وأداء رائع
4-أعلان أذاعى عن سجائر أسمها ونجز كان بيقول ...روق الأنانى روق وأشرب لها سيجاره وينجز
5-أعلان تليفزيزنى عن جبنه نستو كان بيقول...أسفه يا ماما أول حصه فيها درسين...أنا قمت من النوم متأخر وأمبارح جالى خصم يومين...بكره أعملى لهم سندوتش...أزاى الفول بيقع م العيش والمربه تلزقهم وزتون وحده ماينفعش كمان الفول يبرد منهم..جبنه نستو سهله تعمليها سندوتش..وجبه كامله بعدها الواحد مايجوعش غير صناعيه م الألبان 100 ال100 أنواعها كتير وأقتصاديه ومغذيه...نستو .نستو.نستو
6- اعلان تليقزيونى عن شهادات الأستثمار بيقول ..يلا يا بابا
يلا يابابا دا أنت شباب مافيهاش غرابه.واد عفريت .لأ واد متنور وتسع أشهر جوه بفكر هاعمل أيه بعدين لما أكبر دبرنى وأدينى أجابه
7-أعلان تليفزيونى كان بيقول سواح وماشى فى الصحراء عطشان عطشان..مش لاقى حاجه يشربها حران حران ..وهكذا

كفايه عليكم كده النهارده طولت عليكم

تحياتى

**EHAB55555** · #2 02/06/2009, 13h57

حقيقة لااجد مااعبر به عن موقعكم الرائع انتم رجعتونا لايام زمان وانا من عشاق الراديو وخصوصافى رشهر رمضان بس ياريت اغنية برنامج قبل المدرسة اسمها فونتاستيكا كانت بتيجى الصبح ارجوكم نزلوها واشكركم جزيل الشكر

**محمد فهمي** · #3 02/06/2009, 19h06

والله اعلانات هايلة فكرتونا بالذي مضي
اشكركم من كل قلبي

وبالفعل اعلان ريري من تاليف صلاح جاهين والحان سيد مكاوي وتوزيع شعبان ابو السعد
وعلي ما اظن عام 1979 او ما شبه ذلك

**samehbad** · #4 13/08/2009, 08h20

السلام عليكم
موضوع رائع رائع رائع
ياترى فى حد يفتكر إعلان سيجال عن بطلة الإعلان اللى كانت اسمها (نرجس) وكان كل حاجة فى بيتها من سيجال
وشكرًا على الدرر والنوادر القديمة الأكثر من رائعة

**mahmoudbek80** · #5 09/09/2009, 16h10

الى لحن ونفذ اعلان ريرى عبد الرحمن المصرى وليس سيد مكاوى و هو الى لحن اعلان المحظوظ
وبالمناسبة انا ابن عبد الرحمن المصرى و حضرت تسجيل اعلان ريرى فى استوديو 46 بالتليفزيون
و ارجو من الاخوة القاثمين على الموقع اضافة هذا الرد عشان مجهود الناس الى رحلوا و سابونا مايرحش هدر
يا جماعة عبد الرحمن المصرى اول من فكر فى عمل اعلان غناءى فى الشرق الاوسط و كان اسمو رابسو و بيقول
هدومى وسخة من يومين اودى وشى مالناس فين 000 كان نفسى يكون عندى الحاجات دى عشان ارفعها عالنت انا اسف ومن اعمالة محمد سعد شعار معروف- يابهية قولى لبوكى- شهادات الاستثمار(3بطات)-خمس حروف يتاقلو بمال(سيجال) عبد الهادى الحلوانى- صيدناوى شملا الطرابيشى-الليمنتا - كيلوباترا وغيرهم كتير
محمود عبد الرحمن المصرى

**كريم الدين احمد** · #6 25/10/2009, 06h18

اسمحو لى بهذه المشاركة البسيطة فى هذا الموضوع الرائع
اعلان سجائر اسمها نفريتتى انتاج شركة النصر للدخان و السجائر
تاريخ الاعلان : 1970

**ابو عمرو المصرى** · #7 29/04/2011, 18h30

لا اجد كلمات اعبر بها عن شكرى واعجابى لكم جميعا عما قدمتموه وما زلتم تقدموه فى هذا المنتدى الرائع

**طارق مصطفى** · #8 08/12/2011, 15h12

اعلان ريرى لحن الاستاذ ابراهيم فارس ربنا يديلو الصحة /كلمة واحدة\يعنى من غير شك بتاتا

**طارق مصطفى** · #9 01/03/2017, 02h41

اقتباس:

المشاركة الأصلية كتبت بواسطة رائد عبد السلام

إعلان تحفة

كل اللي كانوا أطفال في السبعينيات
فاكرين الإعلان ده كويس

سمعت مرة إنه:
كلمات العبقري: صلاح جاهين
ألحان الشيخ :سيد مكاوي
تصوروا.........!!

لحن و غناء الملحن ابراهيم فارس

**حازم فودة** · #10 01/03/2017, 03h34

اقتباس:

المشاركة الأصلية كتبت بواسطة طارق مصطفى

لحن و غناء الملحن ابراهيم فارس

اعلان

ريري الشهير

قرأت مرة كما قال أ. طارق مصطفى أنها من ألحان إبراهيم فارس

في نهاية الإعلان التليفزيوني مكتوب اسم أحمد سعد ( لآ أعرف هل هو مصمم الإعلان الجرافيك أم المغني )
الله أعلم